Cun ordini de su Sindigu,
si ghettada custu bandu,
s’avvisada tottu sa popolatzioni
ca nottesta,
mancai ci siada cust’araxi de nii,
tottusu is selighesusu e siunesusu, mannusu e pitticusu,
funti obbligausu a controllai su ciellu ,
ca anta podi biri unu steddu,
craru che su sobi, mannu cantu sa luna,
chi a du castiai adessi cumenti un incantu,
e a su coru de tottusu ada xiri chistionai,
poi si nai ch’esti nasciu un’antru pippiu,
beniu apposta po s’aggiudai,
d’onnia pentzamentu d’anda bogai,
de onnia dannu si nd’ada preservai
e onnia disigiu ada xiri accantzai.
Esti s’auguriu chi si ollu donai ,
a ominisi e femminasa de Seligas e de forasa,
po una paschixedda de prexiu e sereni dadi
e un annu nou chi siada mellusu de tottus is atrusu
prenu de fidi e soddisfatzioni .
Su sindigu Sergiu Pisanu